Уйғур елиниң шималида йәнә қар - ямғур апити йүз берип 7 адәм өлгән

Уйғур елиниң шималидики районлар бу һәптә йәнә қар ‏ вә қар арилаш ямғурниң һуҗумиға учрап 7 адәм өлгән, 120 миң адәм апәткә учриған. Қар вә қар арилаш ямғур апити асаслиқи или, бөртала, санҗи, чөчәк қатарлиқ вилайәт, областлардики 17 наһийидә йүз бәргән болуп, бу һәқтики хәвәрләрдә бивастә иқтисади зиянниң 150 милйон йүәндин ашидиғанлиқи илгири сүрүлгән.
Мухбиримиз әркин
2010-02-26
Share

Уйғур аптоном райони хәлқ ишлар назарити, күйтуң шәһири йеқинқи 52 йилдин буян мисли көрүп бақмиған йиғинға дуч кәлгән болуп, 61 сантиметир қелинлиқтики қар күйтуңни паләч һалға чүшүрүп қойғанлиқини, шиху шәһиригә яғқан қарниң қелинлиқи 55 сантиметирға йетип, бу әһвалниң шихуда 57 йилдин бери көрүлүп бақмиғанлиқини билдүргән.

Хәлқ ишлар назаритиниң мәлуматиға қариғанда, қар вә ямғур арилаш қар апитидә өрүлгән өйләрниң сани 4000 еғиз, зиянға учриған өйләр 30 миң еғиз болуп, өлгән чарва малларниң топлам сани 22 миң.

Игилишимизгә қариғанда, алдинқи күни или районида яғқан қар арилаш ямғур наһайити шиддәтлик болуп, йәрлик аһалиләрниң қоро - җайи еғир зиянға учриған. Лекин йәрлик мәтбуатларниң бу һәқтики хәвәрлиридә даириләрниң қандақ қутқузуш елип баридиғанлиқиға даир һечқандақ мәлумат берилмигән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт