Uyghur élining shimalida yene qar - yamghur apiti yüz bérip 7 adem ölgen

Uyghur élining shimalidiki rayonlar bu hepte yene qar ‏ we qar arilash yamghurning hujumigha uchrap 7 adem ölgen, 120 ming adem apetke uchrighan. Qar we qar arilash yamghur apiti asasliqi ili, börtala, sanji, chöchek qatarliq wilayet, oblastlardiki 17 nahiyide yüz bergen bolup, bu heqtiki xewerlerde biwaste iqtisadi ziyanning 150 milyon yüendin ashidighanliqi ilgiri sürülgen.
Muxbirimiz erkin
2010-02-26
Email story
Comment on this story
Share
Print story

Uyghur aptonom rayoni xelq ishlar nazariti, küytung shehiri yéqinqi 52 yildin buyan misli körüp baqmighan yighin'gha duch kelgen bolup, 61 santimétir qélinliqtiki qar küytungni palech halgha chüshürüp qoyghanliqini, shixu shehirige yaghqan qarning qélinliqi 55 santimétirgha yétip, bu ehwalning shixuda 57 yildin béri körülüp baqmighanliqini bildürgen.

Xelq ishlar nazaritining melumatigha qarighanda, qar we yamghur arilash qar apitide örülgen öylerning sani 4000 éghiz, ziyan'gha uchrighan öyler 30 ming éghiz bolup, ölgen charwa mallarning toplam sani 22 ming.

Igilishimizge qarighanda, aldinqi küni ili rayonida yaghqan qar arilash yamghur nahayiti shiddetlik bolup, yerlik ahalilerning qoro - jayi éghir ziyan'gha uchrighan. Lékin yerlik metbu'atlarning bu heqtiki xewerliride da'irilerning qandaq qutquzush élip baridighanliqigha da'ir héchqandaq melumat bérilmigen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet