Qatar döliti liwiye milliy mejlisini étirap qilidighanliqini élan qildi

Bügün ereb döletliridin qatar, liwiyidiki isyanchilar teripidin qurulghan liwiye milliy mejlisini étirap qilidighanliqini élan qildi.
Muxbirimiz shöhret hoshur
2011.03.29

Qatar liwiyige uchush cheklimisi qoyush heqqide b d t gha qarar layihisi sun'ghan 3 döletning biridur.

Qatar bash ministiri sheyx xamad jasim, bügün yene axbarat élan qilish yighinida liwiye dölet bashliqi kazafiygha xitab qilip, uni eng qisqa waqit ichide hoquqidin waz kéchishke we wezipisidin istépa bérishke chaqirdi.

Sheyx xamad, liwiyide éqiwatqan qanni toxtitishning we téximu küp qan tökülüshning aldini élishning birdin-bir yoli kazafiyning wezipisidin istépa bérishi ikenlikini körsetti. U yene bügün sunulghan istépa teklipining, buningdin birqanche kün kéyin sunulmasliqi mumkinlikini eskertti.

Liwiyidiki isyanchilar, xelq'ara birleshme qoshunning yardimige érishishtin bir nechche hepte awwal, liwiye milliy mejlisini qurup chiqqan؛ isyan bashlan'ghandin kéyin kazafiydin waz kéchip isyanchilar sépige ötüp ketken liwiyining sabiq adalet ministiri, liwiye milliy mejlisining bashliqliqigha teyinlen'gen idi. Liwiye milliy mejlisini birinchi bolup étirap qilghan dölet fransiye bolup, qatar ikkinchisidur.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.