Qatnash qazasi meydanida tebessum qilghan xitay emeldari xizmitidin qalduruldi

Xitay xewerliridin melum bolushiche, bügün 21-séntebir shenshi ölkilik hökümet da'iriliri uqturush chiqirip, 26-awghust küni shenshide 36 yoluchi ölgen qatnash weqeside muxbirning neq meydan ziyaritini tebessum bilen qobul qilghan yang famililik hökümet emeldarining barliq wezipisidin qaldurulup, tekshürülüshke yollan'ghanliqini élan qilghan.
Muxbirimiz méhriban
2012-09-21
Share

Xitay tor béketliridiki inkaslardin melum bolushiche, 36 adem qaza qilghan éghir qatnash weqeside külüp turup muxbirning ziyaritini qobul qilghan bu emeldar shenshi ölkilik qatnash bixeterliki idarisining bashliqi bolup, eyni chaghda xitay tordashliri yene bu emeldarning oxshimighan sorunlarda, qolidiki dangliq markiliq sa'etlerni almashturup chüshken süretlernimu tor békitige yollighan.

Xitay tor béketliridiki bu xewer astigha yézilghan inkaslarda " Yang famililik emeldar wezipisidin qaldurulghandimu tebessum qildimu?" dégendek mesxire we kinayilik inkaslar yollan'ghan. Yéqinqi yillardin buyan xitayning ammiwi tor béketliride chirikleshken xitay emeldarlirining mal-dunya toplash, bayliqini köz-köz qilish bilenla bolup kétip, xelqning hayati bilen kari bolmaydighan bir top parazitlargha aylan'ghanliqi heqqidiki inkaslar barghanche köpeygen. Xitay weziyitini közetküchiler bu heqte toxtilip, yang famililik emeldarning xizmitidin qaldurulushi xitay hökümet da'irilirining yéqinqi yillardin buyan öz obrazini qoghdash üchün, ammiwi tor béketlerdiki xitay emeldarlirining setchilikige a'it inkaslarghimu étibar bérishke bashlighanliqini bildürdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet