قازاقىستان پرېزىدېنتى ئۆزىگە بېرىلگەن ئىمتىيازنى رەت قىلدى

قازاقىستان پرېزىدېنتى نۇرسۇلتان نازاربايېف ئۆزىگە "مەڭگۈلۈك پرېزىدېنت" ئىمتىيازى بېرىلگەن قانۇننى ئىمزالىمايدىغانلىقىنى جاكارلىدى. ئەركىن ياۋروپا رادىئوسىنىڭ خەۋەر قىلىشىچە، نۇرسۇلتان نازاربايېف بۇ قارارىنى بۈگۈن دۆلەت تېلېۋىزىيىسىدە قىلغان سۆزىدە ئېلان قىلغان، ئۇ قازاقىستان خەلقى ۋە پارلامېنت ئەزالىرىنىڭ بۇ ئىلتىپاتى ئۈچۈن تەشەككۈرىنى بىلدۈرگەن.
مۇخبىرىمىز ﺋﯩﺮﺍﺩﻩ
2010-06-03
Share

ئۆتكەن ئاي قازاقىستان پارلامېنتى پرېزىدېنت نۇرسۇلتان نازاربايېفنى "مىللىي داھىي" دەپ قوبۇل قىلىپ، ئۇنىڭ ۋە ئائىلە تاۋاباتىنىڭ كەچۈرۈم قىلىنىش ھوقۇقى بارلىقىنى، ئۇلارنى تەكشۈرۈش ۋە سۈرۈشتۈرۈشكە بولمايدىغانلىقىنى بېكىتكەن.

قانۇندا يەنە، نۇرسۇلتان نازاربايېف ۋەزىپىسىدىن ئايرىلغان تەقدىردىمۇ، ئۇنىڭ دۆلەت ئىشلىرىغا قارار قىلىش ھوقۇقى بولىدىغانلىقى، ئۇنىڭ ئائىلىسىنىڭ مال - مۈلكىگە چېقىلىشقا بولمايدىغانلىقى بەلگىلەنگەن ئىدى.

مەزكۇر قانۇن خەلقئارا كىشىلىك ھوقۇق جەمئىيەتلىرىنىڭ ۋە رايون ۋەزىيىتىنى كۆزەتكۈچىلەرنىڭ نارازىلىقىنى قوزغىغان. ئۇلار بۇ قارارنىڭ قازاقىستاننىڭ دېموكراتىيىلىشىشكە قاراپ ئىلگىرىلىشىگە ئېغىر زەربە بېرىدىغانلىقىنى بىلدۈرۈشكەن ئىدى.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت