قازاق ئۆكتىچىلەر شەنبە كۈنى ئالمۇتادا نامايىش قىلدى

500 گە يېقىن نامايىشچى شەنبە كۈنى ئالمۇتادا نامايىش قىلىپ، ئۆتكەن يىلى ئۆكتەبىردە ژاناۋزەن نېفىت شەھىرىدە قازاق ساقچىلىرىنىڭ ئوقىدا ئۆلگەن نامايىشچىلارغا ماتەم تۇتتى ۋە تۇتۇلغان نامايىشچىلارنى قويۇپ بېرىشنى تەلەپ قىلدى.
مۇخبىرىمىز جۈمە
2012-03-24
Share

نامايىش ئالمۇتادىكى بىر مەيداندا ئېلىپ بېرىلغان بولۇپ، نامايىشچىلار ئالدى بىلەن ئۆلگەن نامايىشچىلارنىڭ روھىغا ئاتاپ دۇئا - تىلاۋەت قىلىشتى.

ئۆتكەن يىلى 12 - ئايدا ژاناۋزەن نېفىت شەھىرىدە نېفىت ئىشچىلىرى نامايىش قىلىپ دائىرىلەردىن مائاشىنى ئۆستۈرۈپ بېرىشنى تەلەپ قىلغان.

قازاق پرېزىدېنتى نامايىشچىلارنى «لۈكچەكلەر» دەپ ئاتىغان. مەلۇم بولۇشىچە، نامايىشنى بېسىقتۇرۇش جەريانىدا ساقچىلار نامايىشچىلارغا ئوق چىقارغان بولۇپ بۇ جەرياندا 16 نامايىشچى نەق مەيداندا ئۆلگەن ئىكەن.

شەنبە كۈنىدىكى نامايىشىنى قازاقىستاندىكى ئۆكتىچى تەشكىلات - «ئازاد» تەشكىلاتى ئۇيۇشتۇرغان بولۇپ، ئۇلار خەلقئارا كۆزەتكۈچىلەر ۋە ب د ت مۇناسىۋەتلىك تارماقلىرىنىڭ قازاق ھۆكۈمىتىگە بېسىم ئىشلىتىشىنى ۋە نامايىشتىن كېيىن تۇتۇپ كېتىلگەن نامايىشچىلارنى قويۇپ بېرىشنى تەلەپ قىلدى.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت