Qazaqistan prézidénti nazarbayif prézidént saylimining muddettin burun ötküzülidighanliqini bildürdi

Birleshme agéntliq xewiridin melum bolushiche, 1989-yildin buyan qazaqistan prézidénti wezipisini ötep kéliwatqan nursultan nazarbayif bügün 31-yanwar küni, qazaqistanning yéngi nöwetlik prézidént saylimining muddettin ilgiri ötküzidighanliqini bildürgen.
Muxbirimiz méhriban
2011-01-31
Share

Melum bolushiche, nazarbayif bu qararni élan qilishtin bir nechche sa'et ilgiri, qazaqistan aliy sot kéngishi höküm chiqirip, qazaqistan parlaméntining nursultan nazarbayifning wezipe ötesh mudditi 2020- yilghiche dawamlishidighanliqi heqqidiki qararining qazaqistan asasiy qanunigha xilap ikenlikini jakarlighan iken.

Xewerlerdin melum bolushiche, qazaqistan parlaménti mushu ayning aldinqi mezgilide, prézidéntning wezipe ötesh mudditini 2020-yilghiche dawamlashturush mumkinliki heqqide, bélet tashlash arqiliq puqralar rayini sinash pa'aliyiti élip baridighanliqini jakarlighan iken.

Qazaqistan aliy sot mehkimisi bashliqining bildürüshiche, puqralar rayini sinash arqiliq prézidéntning wezipe ötesh mudditini uzartishni belgilesh, qazaqistan asasiy qanunida belgilen'gen prézidént saylimi heqqidiki qa'ide-prinsiplargha uyghun emes iken.

Xewerde déyilishiche, nursultan nazarbayif yéngi nöwetlik prézidént saylimining konkrét waqti heqqide toxtalmighan bolsimu, emma yéngi nöwetlik prézidént saylimi kéyinki bir nechche ay ichide ötküzülüshi mumkin iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet