Qazaqistan yawrupa bixeterlik we hemkarliq teshkilatining re'isliki mezgilidiki pilanini élan qildi

B b s ning xewer qilishiche, qazaqistan tashqi ishlar ministiri qanat sawdabayéf bügün wiyanada prézidént nursultan nazarbayéfning sözini yetküzgendin kéyin, yawrupa bixeterlik we hemkarliq teshkilatining parlamént ezaliri mejliside söz qildi. U sözide qazaqistanning qanunning üstünlükige, démokratiye we kishilik hoquqqa hörmet qilidighanliqini tekitlidi.

Emma insan heqliri teshkilatliri bolsa, qazaqistanning insan heqliri nomurining nahayiti töwenlikini eskertip, qazaqistanni bu jehette tenqid qilmaqta. Bezi döletler hetta qazaqistan'gha oxshash insan heqliri depsendichiliki mewjut bolghan bir döletning bu teshkilatqa re'is bolushigha naraziliq bildürgen idi.

Buninggha oxshimaydighan köz qarashtikiler bolsa, yawrupa bixeterlik we hemkarliq teshkilatining insan heqliri we démokratiyini teshwiq qilish wezipisiningmu barliqini ilgiri sürüp, qazaqistanning, re'islik mezgilide öz dölitining insan heqliri xatirisini yaxshilishigha bir purset bolidighanliqini éytmaqta.

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar