Qazaqistan da'iriliri sel apiti seweblik hökümet xadimlirini qolgha aldi

Qazaqistan da'iriliri ötken jüme küni almuta rayonida yüz bergen sel apitide ünümlük tedbir almighanliqi ilgiri sürülgen bir yéza emeldarini qolgha alghan.
Muxbirimiz jüme
2010.03.15

Sel apiti ötken jüme küni qazaqistanning aqsu we qaratal rayonlirida yüz bergen bolup, apette 35 adem ölgen we nechche ming adem apetke uchrighan idi.

Birleshme agéntliqida neqil qilinishiche, qazaqistan ichki ishlar ministirliqi düshenbe küni bayanat élan qilip, hökümet da'irilirining yene almuta rayonluq jiddiy ehwallargha taqabil turush merkizining bashliqinimu sel apiti seweblik qolgha alghanliqini bildürgen.

Melum bolushiche, peyshenbe küni qattiq yaqqan yamghur, jüme küni almuta rayonigha qarashliq aqsu we qaratal yézilirigha jaylashqan ikki su ambirida su téship kétishi hadisisini keltürüp chiqarghan. Netijide mezkur rayonlarda sel apiti yüz bergen idi.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.