Amérika Uyghur birleshmisi xitay hökümitining qeshqer shehirining qedimi medeniyet izlirini buzushqa bashlighanliqini qattiq eyiplidi

Bayanatta éytilishiche, xitay hökümitining 'qeshqer ahalilirini qaytidin orunlashturush' dep atalghan pilani boyiche bolghanda, qeshqerde kéler besh yilda, qedimiy Uyghur en'eniliri saqlinip turuwatqan besh kwadrat kilométir da'iridiki 65 ming a'ile Uyghur( ikki yüz yigirme ming nopus) öz öyliridin köchüriwétilidiken.

Uyghurlarning démokratik rehbiri rabiye qadir xanimning qarishiche, xitay hökümitining qeshqerde Uyghurlarning medeniyet kimliki saqlinip turuwatqan en'eniwi imaretlerni buzmaqchi bolghanliqi - - xitay hökümitining Uyghur yurtlirini xitaylashturushqa urun'ghan yene bir emeliy tedbiri. Bu, yipek yolidiki dunyawi medeniyet mirasliri saqliniwatqan bir 'tebi'iy muzéyni buzghan'ghanliq bilen barawer.

Amérika Uyghur birleshmisi bu bayanatida xelq'ara teshkilatlarni, xitayning Uyghur yurtlirida medeniy miraslargha buzghunchiliq qilish herikitini derhal tosushqa chaqirdi.