Qeshqer - xoten tömür yol liniyisi qurulushi esli pilandikidin besh yil burun bashlan'ghan

 Chén jénshenning ashkarilishiche, bu tömür yol liniyisi eslide belgiligen muddettin 5 yil burun bashlan'ghan bolup, esli xitay merkiziy komitéti qeshqer - xoten tömür yol liniyisi heqqide chüshürgen 32 - nomurluq höjjetning rohigha asaslan'ghanda mezkur liniye xitayning 12 - besh yilliq pilan mezgilide élip bérilmaqchi iken.

Melum bolushiche, omumi uzunluqi 487 kilométir we 460 milyard yüendin artuq meblegh sélin'ghan qeshqer - xoten tömür yol liniyisi qurulushi, bu yil 3 - iyul resmiy bashlan'ghan bolup, 2010 - yili qatnash bashlinidiken.

Bu heqte toxtalghan dunya Uyghur qurultiyi bayanatchisi dilshat rishitning bildürüshiche, xitay hökümitining mezkur qurulush pilanini tuyuqsiz tizlitishi ejeblinerlik emes bolup, xitay hökümitining meqsiti Uyghur ilidiki xitaylarning nopusi bir qeder shalang bolghan xoten diyarigha köchmen köchürüsh ishlirini tizlitish shuning bilen birge xotenning natural igiliki we soda sahesini pütünley xitay köchmenlirige béqindi qilishtin ibaret iken.

Uning éytishiche, bu xil ehwal qeshqerdimu yüz bergen bolup, qeshqer héytgah jamesi etrapidiki bazarning xitay sodigerlirining qoligha ötüp kétishi, qeshqerdiki qedimi enjan restisining ornigha xitaylar igidarchiliqidiki dukan - saraylarning orun élishi bularning tipik misal iken.

Tömür yol 1999 ‏ - yili dékabirda qeshqerge tutashturulghan idi.