Xewerde körsitilishiche, 5 - iyul ürümchide namayish partlighan deqiqilerde, qeshqer héytgah jamesining aldida 200 ge yéqin adem namayish qilishqa urun'ghan bolsimu, emma tizdin basturulghan.
Xewerde körsitilishiche, ürümchide chet'el muxbirlirigha mu'eyyen derijide erkinlik bérilgen bolsimu, emma qeshqerdiki chet'el muxbirliri qeshqerdin heydelgen.
Xewerde otturigha qoyulushiche, xitay eskerliri "milliy bölgünchiler bizning düshminimiz" dégen lozunkilar chaplan'ghan herbiy aptomobillarda qeshqer kochilirida kéche - kündüz aylinip yüridiken.
5 - Iyul ürümchi weqesidin kéyin, xitay hökümiti Uyghur élining her qaysi jaylirigha zor nisbette esker yötkigen we yol éghizlirigha tekshürüsh ponkitlirini qurghan idi.