Qeshqer qedimiy sheher rayonini özgertip qurush qurulushining kölimi barghanche kéngeymekte

Xitay hökümitining "qeshqer qedimiy sheher rayonini özgertip qurush" namida élip bériwatqan "chéqip yötkesh" qurulushining kölimini barghanche kéngeytiwatqanliqi melum.
Muxbirimiz jume
2010.03.27
Share on WhatsApp
Share on WhatsApp

Tengritagh torida körsitishiche, qeshqer yerlik hökümet da'iriliri 5 rayonda özgertip qurush sinaq nuqtisi qurghan. Sinaq netijilik bolghandin kéyin bu xil "qedimiy sheher rayonidiki kona öylerni özgertip her tereplime tüzesh qurulushi omumlashturush basquchigha kirgen."

23 - Mart bu heqte bérilgen xewerde körsitishiche, xitay hökümiti qedimiy qeshqerni chéqish qurulushigha 70 milyard yü'en meblegh salghan.

Xewerde neqil qilishiche, qeshqer qedimiy sheher rayoni özgertip qurush qomandanliq merkizining mes'uli shi shishung, qeshqerni özgertip qurush qurulushini "öy igiliri özi chiqip, bir tutash sélish" qurulushi süpitide sinaq qilip netije qazan'ghanliqini hemde "bu xil usulni bu yil téximu ilgiriligen asasta kéngeytidighanliqi"ni bildürgen.

Xitay da'iriliri ashkarilighan sanliq melumatlargha qarighan xitay qedimiy qeshqer rayonining 85 pirsentini chéqip yötkep, bu rayondin200 mingdin artuq nopusni köchüridiken.

Bezi xewerlerge qarighanda qeshqerning qedimiy sheher rayonida pütünley dégüdek Uyghurlar topliship olturaqlashqan bolup, xitay da'iriliri bu rayonining muqimliqi we bixeterliki mesilidin köp endishe qilidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.