Kaliforniyidiki mutexessis miri'am j wodis xénim qeshqer qedimiy shehirini qoghdap qélish uchun imza toplash pa'aliyiti élip barmaqta

Wodis xénim aldinqi hepte, amérika prézidénti barak obamagha mektup yollap, uni qeshqer qedimiy shehirini chéqilishtin qoghdap qélishta qolidin kélidighan yardemlerde bolushqa ündigen idi.

Miri'am j wod xénimning bildürüshiche, u mezkur xetni kaliforniyilik amérika awam palata ezaliri barbara boksér, di'anna féyinstéyn we dölet mejlisi ezasi dana rohrabakér qatarliqlarghimu yollighan.

U bu heqte toxtilip: "prézidént obama qeshqerning qimmiti, shinjangning bay medeniyitining muhimliqi toghrisida bashqilarning diqqitini jelp qilalaydu. U sözlise kishiler qulaq salidu. Shunga men uni bu heqte sözleshke köndürüshke heriket qilmen" dédi.

Melum bolushiche, Imza toplash pa'aliyiti, miri'am wod xénimning teshkillishi bilen erziyet torida qanat yaydurulghan bolup, imza qoyghuchilar 1000 neperge yetkende, imza amérikining munasiwetlik organlirigha yetküzülidiken.