Qirghizistanda prézidént saylimi ötküzüldi

Qirghizistan jumhuriyitide yekshenbe küni pütün memliket boyiche prézidént saylimi ötküzülgen bolup, 16 kandidat üchün bélet tashlan'ghan.
Muxbirimiz ümidwar
2011-10-30
Share

Birleshme agéntliqining xewer qilishiche, deslepki qedemde hazirqi bash ministir 53 yashliq almasbék atanbayéfning érishken awazi bir qeder yuqiri bolup, uningdin qalsa, milletchilerge mensup qamchibék tashiyéf bilen adakhan madumarof qatarliqlarmu küchlük namzat hésablinidiken.

Bu qétimqi saylamgha prézidént roza otunbayéwa öz namzatini körsetmigen bolup, chünki qanun boyiche uning namzatliqini körsitishi hoquqi yoq iken.

Qirghizistandiki bu saylam 2010-yili bishkektiki siyasiy özgirish we 6-ayda oshta yüz bergen qanliq étnik toqunushtin kéyin meydan'gha kelgen tunji qétimliq démokratik we qanunluq prézidént saylimidur.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet