Öktichiler qurmanbék baqiyéfning qolgha élinishini telep qildi

Qirghizistanda öktichiler hökümetni aghdurup tashlap, döletning herbiy küchlirini qolgha alghanliqini élan qildi. Öktichiler yene hazirqi qirghiz parlaméntini bikar qilip, ötkünchi hökümet qurghanliqini bildürdi.
Muxbirimiz irade
2010-04-08
Share

Prézidént qurmanbék weqedin kéyin qéchip ketken bolup, uning qollighuchiliri bir qeder köp bolghan osh shehiride bolushi mumkinliki perez qilinmaqta. Öktichiler qurmanbék baqiyéfning qolgha élinishini telep qilmaqta.

B b s ning xewer qilishiche, qurmanbék baqiyéw b b s muxbirigha qilghan sözide özining meghlubiyetni qobul qilmaydighanliqini, wezipisidinmu istipa bermeydighanliqini bildürgen. Emma u özining hazir qaysi orunda saqliniwatqanliqini ashkarilashni ret qilghan.

Melum bolushiche, weqeler jeryanida qirghizistandiki bezi ish yerliri we dukanlar bulan'ghan. Qirghizistandiki amérika herbiy bazisi uchushlirini waqitliq toxtatqan. Qazaqistan ‏qirghiz chégrisini taqighan.

Qirghizistanda 6 - april künidin étibaren qurmanbék baqiyéfqa qarshi namayishlar bashlan'ghan bolup, namayish kéyin qanliq toqunushqa aylan'ghan idi. Toqunushlarda hazirghiche 60 tin artuq ademning ölgenliki melum.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet