Qirghizistanda étnik toqunushtin kéyin tunji qétim sot échildi

Roytérs agéntliqining bishkektin bayan qilishiche, qirghizistanda bügün jalal'abad shehiri nuken rayonluq sot mehkimisining sotchisi nurgazi alimkuluf 3 kishige muddetsiz qamaq jazasi, 2 kishige 15 yilliqtin 20 yilliqqiche muddetlik qamaq jazasi höküm qildi.
Muxbirimiz weli
2010.09.15

Bu, qirghizistanda bu yil 6‏ - ayda yüz bergen bir nechche yüz adem öltürülgen, 2 mingdek öy köydürülgen, 400 mingdin artuq yerlik ahalining turmushi weyran qilin'ghan dehshetlik étnik toqunushtin kéyin tunji qétim échilghan sot bolup hésablinidu.
 
Qirghiz kishilik hoquq pa'aliyetchisi serdar baghshibékofning roytérs agéntliqigha éytip bérishiche, bügünki sotta yan bésish mesilisi éghir, shundaqla eyibligüchiler qattiq kontrol qiliwélin'ghan, aqlighuchi adwokatlargha küchlük bésim ishlitilgen.

Intérfakis agéntliqining bayan qilishiche, nuken rayonluq sot mehkimiside bügün muddetsiz qamaq jazasigha höküm qilin'ghan özbékning ismi azimjan askarof.
 
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.