Qirghizistanning bir parlamént ezasi wetinidin ayrilishqa mejbur boldi

Qirghizistan parlaméntidiki bir yuqiri derijilik öktichi partiye ezasi, bixeterlik mesilisi tüpeyli qirghizistandin waqitliq ayrilishqa mejbur bolghanliqini bildürdi.
Muxbirimiz jüme
2009-09-28
Share

Fransiye agéntliqida körsitilishiche, parlamént ezasi baqit beshimow, qirghizistan prézidénti qurmanbék baqiyiwqa bolghan qarshi pikri tüpeyli, öch élishi obyéktigha aylan'ghanliqi, netijide qirghizistandin ayrilghanliqini bildürgen. U bu heqte uzaq oylan'ghandin kéyin, mezkur qarargha kelgenliki, chünki bashqilarning uni bu yil awghustta pütünley yoqatmaqchi bolghanliqini bildürgen.

Baqit beshimnow bu yil iyuldiki qirghizistan prézidéntliq saylimi jeryanda qirghizistan prézidénti qurmanbék baqiywqa qarshi saylamgha chüshken almasbék atambayéwning saylam pa'aliyitini bash bolup teshkilligen parlamént ezasi idi.

Melum bolushiche, bu yil iyulda qirghizistanda élip bérilghan saylamda baqiyéw qayta saylan'ghandin kiyin, baqit beshimow amérikigha kelgen.

U, fransiye agéntliqigha bergen bayanatida qurmanbék baqiyéw hökümitining qanunsiz hökümet ikenliki, shunga bu hökümetni tonumaydighanliqini bildürgen we qirghizistanda démokratiyini ilgiri sürüsh uchun tirishchanliq körsitidighanliqini ilgiri sürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet