Қирғизистан парламенти йеңи баш министирни бекитти

Қирғизистан парламенти 23 - декабир күни йиғин чақирип, 41 яшлиқ өмүрбек бабанофни җумһурийәтниң баш министири қилип бекитти.
Мухбиримиз үмидвар
2011-12-25
Share

Пәрғанә учур ториниң хәвәр қилишичә, буниңдин илгири у баш министирлиқ вәзиписини вақитлиқ атқурғучи болған иди. Бабанофниң баш министирлиқ намзитини парламенттики сотсиял - демократлар, ата - макан, җумһурийәт вә ар - номус қатарлиқ төт партийиниң бирләшмиси бекиткән болуп, нөвәттә бу төт партийә бирләшмә һөкүмәт һалитини шәкилләндүргән иди.

Өмүрбәк бабаноф җумһурийәт партийисиниң рәһбири болуп, у сабиқ президет қурманбек бақийеф дәвридә муавин баш министир болға н иди.

Өмүрбек бабаноф қирғизистан җәмийидә зор ғул - ғула қозғаватқан шәхс болуп, гәрчә униң миллитиниң қирғиз икәнлики ейтилған болсиму, әмма униң келип чиқишиниң арилаш икәнлики, униң һәр қайси аз санлиқ милләтләрниңму қизғин қоллишиға еришиватқанлиқи инкас қилинмақта. Алмасбек атанбайеф президентлиқ вәзиписини тапшуривалғандин кейин һәр қайси юқири рәһбәрлик орунлирини алмаштуруш елип бармақта шуниңдәк униң ташқи сияситиниң русийигә көпрәк майил болуватқанлиқи пәрәз қилинмақта. Бирақ, өмүрбек бананоф муавин баш министир болған бу йилқи яз айлирида хитайни зиярәт қилип, хитай билән қоюқ иқтисадий һәмкарлиқ орнитидиғанлиқини җакарлиған иди.
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.