Qirghizistan parlaménti yéngi bash ministirni békitti

Qirghizistan parlaménti 23 - dékabir küni yighin chaqirip, 41 yashliq ömürbék babanofni jumhuriyetning bash ministiri qilip békitti.
Muxbirimiz ümidwar
2011-12-25
Share

Perghane uchur torining xewer qilishiche, buningdin ilgiri u bash ministirliq wezipisini waqitliq atqurghuchi bolghan idi. Babanofning bash ministirliq namzitini parlaménttiki sotsiyal - démokratlar, ata - makan, jumhuriyet we ar - nomus qatarliq töt partiyining birleshmisi békitken bolup, nöwette bu töt partiye birleshme hökümet halitini shekillendürgen idi.

Ömürbek babanof jumhuriyet partiyisining rehbiri bolup, u sabiq prézidét qurmanbék baqiyéf dewride mu'awin bash ministir bolgha n idi.

Ömürbék babanof qirghizistan jemiyide zor ghul - ghula qozghawatqan shexs bolup, gerche uning millitining qirghiz ikenliki éytilghan bolsimu, emma uning kélip chiqishining arilash ikenliki, uning her qaysi az sanliq milletlerningmu qizghin qollishigha érishiwatqanliqi inkas qilinmaqta. Almasbék atanbayéf prézidéntliq wezipisini tapshuriwalghandin kéyin her qaysi yuqiri rehberlik orunlirini almashturush élip barmaqta shuningdek uning tashqi siyasitining rusiyige köprek mayil boluwatqanliqi perez qilinmaqta. Biraq, ömürbék bananof mu'awin bash ministir bolghan bu yilqi yaz aylirida xitayni ziyaret qilip, xitay bilen qoyuq iqtisadiy hemkarliq ornitidighanliqini jakarlighan idi.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.