Qirghizistanning jenubida 6.2 Bal yer tewrep özbékistanda 13 adem öldi

7‏-Ayning 20‏-küni etigen sa'et 1 din 35 minut ötkende, qirghizistanning jenubida 6.2 Bal yer tewridi. Birleshme agéntliqining bayan qilishiche, tewresh merkizi özbékistanning perghane shehirige 35 kilométir yéqin.
Muxbirimiz weli
2011-07-20
Share

Ewresh merkizidin 100 kilométir yiraqliqtiki, xitay bilen chégrilinidighan enjan shehirining ahaliliri kéchini sirtta ötküzdi.

Amérika gi'ologlirining éytishiche, 2008‏-yili qirghizistanning tajikistan we xitay bilen chégrilinighan adem shalang jayida 6.6 Bal yer tewrigende, az dégende 74 adem ölgen idi. Bu qétimqi yer tewreshning mushu da'iridiki 200 mingdin artuq nopusqa tesir yetküzidighanliqi éniq. Bügün üzbékstan da'iriliri perghane wadisida az dégende 13 adem öldi dep melum qildi. Emma qirghizistanning jiddiy hadise ministirliqi téxiche bu qétimqi yer tewreshning tesiri we kélip chiqqan ziyan ehwalini ashkarilimidi.

Rusiye gi'ologlirining éytishiche, yer tewresh merkizidin 185 kilométir yiraqliqtiki tajikistanning düshenbe shehiri ahalilirimu, bu qétimqi yer tewresh peyda qilghan qattiq silkinishte pat-paraq bolghan. Qirghizistanning batken oblisidiki ahalilerning éytishiche, osh shehirige baridighan qatnash yoli taghdin tash domilap tosulup qalghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet