Qirghizistanda parlamént saylimi boldi

Yekshenbe küni qirghizistanda pütün memliket boyiche parlamént saylimi bolup ötti. Bu saylamgha qirghizistandiki 29 partiyining 3000 din artuq namzati özini körsetken bolup, eng axirida 120 orundin terkip tapqan parlamént saylam chiqilidu.

Muxbirimiz ümidwar
2010.10.10

Qirghizistan agéntliqlirining xewer qilishiche, pütün qirghizistan boyiche ikki milyon 800 ming adem özini tizimlatqan.

Bügünki saylam netijisi arqiliq qirghizistan parlamént döliti süpitide qirghizistanning dölet ishlirini parlamént hel qilidighan, prézidéntning heddidin ziyade hoquqi cheklimige uchraydighan sistéma wujudqa keltürülmekchi. Qirghizistan xewerliridin ashkarilinishiche, saylamgha 55% adem qatnashqan.

Ottura asiya uchur torining yézishiche, bezi saylam ponkitlirida saylamgha xilap qilmishlar yüz bergen, saylam meydanlirining tertipini qoghdash üchün 7 mingdin artuq saqchi we 14 mingdin artuq xelq pidayisi ishqa sélin'ghan.

Qirghizistan hökümiti saylam munasiwiti bilen birer qalaymiqanchiliq weqesining yüz bérip qélishining aldini élishqa tirishqan. Pütün qirghizistan boyiche 2200 din artuq bélet tashlash ponkiti tesis qilin'ghan bolup, hazirche saylam netijisi téxi éniq emes.

Munasiwetlik xewerler

Qisqa xewerler

Köp körülgen xewerler

RFA

Örkesh dölet: nensiy pélosi xanim Uyghurlarning yéqin dosti