Қирғизистан баш министири данияр усәнуф дөләт бойичә җиддий һаләт елан қилди

Бүгүн йәнә миңдин артуқ адәм топлинип елип берилған чириклик пәйда қилған намратлиққа қарши туруш намайишида, президент бақийефниң иш бинаси қоршивелинған, қирғизстанниң муавин баш министири вә ички ишлар министири гөрүгә еливелинған, дөләт телевизийә истансиси игиливелинған. Қирғизистан бихәтәрлик даирилириниң ейтишичә, улар яш бомбиси қатарлиқларни қоллинип намайишчиларни тарқитиветишкә тиришқан.

Франсийә агентлиқи мухбирлири намайиш мәйданидин 6 җәсәтниң елип кетиливатқанлиқини көргән. Қирғизистан сақчи даирилири 12 адәм өлгәнликини ашкарилиған. Америкиниң бишкәктики әлчиханиси қирғизистанда йүз бериватқан бу қалаймиқанчилиқтин, болупму таласта йүз бәргән җиддийликтин әнсирәп, сабиқ парламент әзаси өмүрбәк текәбайеф башчилиқидики намайишчилар билән қирғизистан һөкүмитини сөһбәт арқилиқ мәсилини һәл қилишқа үндигән.
 
Бишкәктики ихтияри мухбиримизниң баян қилишичә, бишкәктә пикир әркинликиниң боғулушиға қарши елип берилған бу намайишқа 10миңдин артуқ адәм қатнашти. Һөкүмәт намайишчиларға оқ чиқарди, намайишчилардин көп адәм өлтүрүлди вә яриландурулди.

Шинхуа агентлиқи, "намайишчилар гөрүгә еливалған қирғизистан ички ишлар министири молдомуса конгантуйефни уруп өлтүргән," дәп хәвәр қилди.
 

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар