Қирғизистанда йеңи сайлам вақти бекитилди

Қирғизистанда қурулған вақитлиқ һөкүмәт бүгүн сайлам вақтини елан қилди. Вақитлиқ һөкүмәтниң муавин баш министири өмүрбек текәбайефниң билдүрүшичә, қирғизистандики парламент вә президент сайлими 10 - өктәбир күни елип берилидикән.
Мухбиримиз ирадә
2010.04.22

Өмүрбек текәбайефниң дөләт телевизийисгә қилған баянатидин мәлум болушичә, 27 - июн күни қирғизистанда йеңи асасий қанунға биләт ташлаш елип берилидикән.

Мәлум болушичә, йеңи асасий қанунда дөләттики барлиқ һоқуқларниң бир кишигә мәркәзлишип қелишидәк әһвалға хатимә берилгән болуп, "президентниң кәчүрүм қилиниш һоқуқи" елип ташлинидикән вә президентниң аилә тавабиатлириниң дөләт хәзинисидин мәнпәәт елиши чәклинидикән.

Қурманбек бақийеф ағдурулғандин кейин униң қазақистанда истипанамини имзалиғанлиқи вә әң ахирида беларусийигә кәткәнлики мәлум болған иди. Әмма қурманбек бақийеф түнүгүн өзиниң һелиһәм қирғизистанниң президенти икәнликини вә ахириғичә күрәш қилидиғанлиқини елан қилди.

Ройтерс агетнлиқиниң хәвәр қилишичә, русийә ташқи ишлар министири сергей лавров бүгүнки сөзидә: "қурманбек бақийеф истипанамисини бешкәккә факс билән йоллиған. Мән пәқәт мушунила билимән, еғиз билән дейилгән гәпләр арқилиқ бу истипанамини рәт қилғили болмайду" дегән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.