Қирим татарлири хитайға қарши намайиш өткүзди

Қирим татарлири украинийидики хитай әлчиликиниң алдида намайиш өткүзүп хитай һөкүмитини гунаһсиз пуқраларни өлтүрүш билән әйиблиди. Бу намайишни уюштурған татар миллий мәҗлиси баяннамә елан қилип, хитай һөкүмитиниң уйғурларға түрлүк усуллар арқилиқ бесим йүргүзүп келиватқанлиқини, буниңға чидимай кочиларға чиққан хәлқни болса толуқ қоралланған әскәрләр билән қанлиқ бастуруш арқилиқ өз пуқралириға җәң елан қилғанлиқини ейитти.
Мухбиримиз ирадә
2009-07-23
Share

Улар баяннамидә йәнә, хитайларниң уйғурларға йүргүзүватқан сияситиниң ирқий қирғинчилиқтин башқа нәрсә әмәсликини ипадә қилип:" дуня мәдәнийитгә зор төһпә қошқан бир милләтниң хитайлар тәрипидин йоқитилишиға қарап турушқа болмайду" деди.

Қирим татар миллий мәҗлисиниң баяннамисидә мундақ дәп йезилған : "татар миллий мәҗлиси уйғурлар билән хитайларниң әмди бир йәрдә яшиши мумкин әмәс, дәп қарайду вә дуня җамаәтчиликидин шәрқий түркистанниң мустәқиллиқини етирап қилишини тәләп қилиду. Биз бу тәләпни алди билән түркий җумһурийәтләр вә пүтүн мусулман дөләтлиридин тәләп қилимиз. Чүнки түрк вә мусулман болған уйғурлар буддист вә коммунист хитайлар тәрипидин йоқитиливатиду. Уларниң бу паҗиәсидин һәммимиз тарих алдида җавабкар!"

Қирим татар миллий мәҗлиси ана юртлири қирим болған татарларниң әң алий вәкил характерлик оргини болуп, 1991 - йили июнда қурулған. Бу орган украинийә мәркизи һөкүмитидә, қирим аптоном һөкүмитидә вә хәлқарада қирим татарлириға вәкиллик қилмақта. 
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт