Rabiye qadir xanim we dalay lama yaponiyige ziyaretke baridu

Uyghur milliy herikitining rehbiri rabiye qadir xanim we tibet rohaniy dahiysi dalay lama ayrim - ayrim halda yaponiyige ziyaretke baridu. Merkizi xewer agéntliqining bildürüshiche, bu ikki lidérning yaponiye ziyariti 5 ‏ - , 6 ‏ - aylarda élip bérilidu.
Muxbirimiz irade
2010.04.15

Dunya Uyghur qurultiyining re'isi rabiye qadir xanim 5 - ayning 20 - künliri etrapida élip baridighan bu qétimliq ziyaritide yaponiyining tokyo we osaka sheherliride uyushturulidighan ilmiy tetqiqat yighinigha qatnishidiken we yighinda doklat béridiken.

Yaponiyide chiqidighan metbu'atlarda dunya Uyghur qurultiyi re'isi rabiye qadir xanim we tibet rohaniy dahiysi dalay lamaning xitay hökümiti teripidin "döletni parchilashqa urunuwatqan bölgünchiler" dep eyibliniwatqanliqi, emma yaponiyining öz qanunlirigha asasen ulargha wiza bergenliki bayan qilin'ghan.

Melum bolushiche, eger bu qétimliq ziyaret emeliyleshse, bu rabiye qadir xanimning 2006 - yilidin béri 4 - qétim yaponiyini ziyaret qilishi bopqalidiken.
 
 
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.