Рабийә қадир ханим америка дөләт мәҗлисидә гуваһлиқтин өтиду

Дуня уйғур қурултийиниң рәиси рабийә қадир ханим келәр сәйшәнбә күни америка дөләт мәҗлисиниң кишилик һоқуқ комитети йәни там лантос кишилик һоқуқ комитетида уйғурларниң йеқинқи кишилик һоқуқ әһвали тоғрисида гуваһлиқтин өтиду.
Мухбиримиз әркин
2009.01.23
Share on WhatsApp
Share on WhatsApp

Бу қетимқи йиғин б д т кишилик һоқуқ кеңишиниң җәнвәдә чақирилидиған йиллиқ йиғинидин бурун уюштурулған болуп, бу келәр ай чақирилидиған б д т кишилик һоқуқ кеңишиниң йиғинида хитай кишилик һоқуқ хатирисиниң көздин кәчүрүлүши билән мунасивәтлик икән.

Америка дөләт мәҗлиси кишилик һоқуқ комитети йиғин тоғрисидики уқтурушида мундақ дегән: хитайда " кишилик һоқуқниң һәр қайси саһәлири әмәлийәттә қаттиқ бастуруш, халиғанчә қолға елиш, тутқун қилиш, иптидаий усуллар билән җазалаш вә тән җазаси беришниң тәсиригә учримақта.

Бу саһәләр тибәт вә шинҗаңда мәдәнийәт аптономийиси вә өз тәқдирини өзи бәлгиләш һоқуқи, мухбирлар вә хәлқ һоқуқи паалийәтчилириниң сөз әркинлики, диний әркинлик һоқуқи, адил сотлиниш, қануни вакаләтчи тәклип қилиш һоқуқи, әмгәк һоқуқи, тән җазасидин хали болуш һоқуқи шундақла мәҗбурий көчмән йөткәшкә қарши туруш һоқуқи қатарлиқларға еғир бузғунчилиқ қилишни өз ичигә алиду."

Сәйшәнбә күни йиғинда рабийә қадир ханим гуваһлиқ бәргәндин сирт америка ташқи ишлар министирлиқиниң әмәлдари, хәлқара тибәт һәрикити, кишилик һоқуқни көзитиш тәшкилати, логәй фонди җәмийити, чегрисиз мухбирлар тәшкилати қатарлиқ органларниң вәкиллири гуваһлиқтин өтидикән.


Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт