Rabiye qadir xanim amérika dölet mejliside guwahliqtin ötidu

Dunya Uyghur qurultiyining re'isi rabiye qadir xanim kéler seyshenbe küni amérika dölet mejlisining kishilik hoquq komitéti yeni tam lantos kishilik hoquq komitétida Uyghurlarning yéqinqi kishilik hoquq ehwali toghrisida guwahliqtin ötidu.
Muxbirimiz erkin
2009.01.23
Share on WhatsApp
Share on WhatsApp

Bu qétimqi yighin b d t kishilik hoquq kéngishining jenwede chaqirilidighan yilliq yighinidin burun uyushturulghan bolup, bu kéler ay chaqirilidighan b d t kishilik hoquq kéngishining yighinida xitay kishilik hoquq xatirisining közdin kechürülüshi bilen munasiwetlik iken.

Amérika dölet mejlisi kishilik hoquq komitéti yighin toghrisidiki uqturushida mundaq dégen: xitayda " kishilik hoquqning her qaysi saheliri emeliyette qattiq basturush, xalighanche qolgha élish, tutqun qilish, iptida'iy usullar bilen jazalash we ten jazasi bérishning tesirige uchrimaqta.

Bu saheler tibet we shinjangda medeniyet aptonomiyisi we öz teqdirini özi belgilesh hoquqi, muxbirlar we xelq hoquqi pa'aliyetchilirining söz erkinliki, diniy erkinlik hoquqi, adil sotlinish, qanuni wakaletchi teklip qilish hoquqi, emgek hoquqi, ten jazasidin xali bolush hoquqi shundaqla mejburiy köchmen yötkeshke qarshi turush hoquqi qatarliqlargha éghir buzghunchiliq qilishni öz ichige alidu."

Seyshenbe küni yighinda rabiye qadir xanim guwahliq bergendin sirt amérika tashqi ishlar ministirliqining emeldari, xelq'ara tibet herikiti, kishilik hoquqni közitish teshkilati, logey fondi jem'iyiti, chégrisiz muxbirlar teshkilati qatarliq organlarning wekilliri guwahliqtin ötidiken.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet