Rabiye qadir: gu'entanamodiki Uyghurlarni yerleshtürüshke amérika eng muwapiq

Uyghur milliy herikiti yétekchisi rabiye qadir xanim, gu'entanamodiki Uyghurlarning choqum amérikigha yerleshtürülüshi lazimliqini körsetti. U, bu sözlerni yéngi zélandiyidiki ziyariti jeryanda otturigha qoyghan bolup, birleshme agéntliqida körsitishiche, rabiye qadir xanim mezkur Uyghurlarning yillardin béri bigunah halda gu'entanamoda yétiwatqanliqini, shunga amérikining ulardin yaxshi xewer élishi lazimliqini ilgiri sürgen.
Muxbirimiz jüme
2009-10-14
Share

Rabiye qadir xanim mundaq dégen: "ularni yerleshtürüshke amérika eng muwapiq. Héch bolmighanda bularni bir qismi bolsimu amérikigha orunlashturulushi kérek."

Gu'entanamoda tutup turuluwatqan 17 neper Uyghurning 4 nepiri bérmudagha orunlashturulghandin kéyin, yene 13 neper Uyghurni atlantik okyandiki aral döliti palaw jumhuriyiti qobul qilishqa qoshulghan idi.

Bu heqte toxtalghan rabiye qadir xanim, nawada bu Uyghurlarning hemmisi palawgha bérishqa qoshulghan bolsa, ularning qararigha hörmet qilidighanliqini qoshumche qilghan.

Ilgiri mezkur Uyghurlarning adwokatlirimu Uyghurlardin eng az dégende 4 yaki 8 nepirining palawgha aldin yerleshtürülüshi mumkinlikini ilgiri sürgen idi.

Melum bolushiche, rabiye qadir xanim yéngi zéllandiyidiki ziyaritini axirlashturup, 14 - öktebir kechqurun gérmaniyning frankfort shehiride ötküzülidighan kitab yermenkisige qatnishish üchün yol alghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet