Uyghur rehbiri rabiye qadirning qizi teywen'ge yétip keldi

Fransiye agéntliqining xewer qilishiche, dunya Uyghur qurultiyining re'isi rabiye qadirning qizi rahile xanim rabiye qadir heqqide ishlen'gen höjjetlik filim " muhebbetning on sherti" ni qoyush pa'aliyitige qatnishish üchün yekshenbe küni teybéygha yétip kelgen.
Muxbirimiz ümidwar
2010.07.18

Rahile xanim rabiye qadir xanimgha wakaliten teywenning gawshong qatarliq sheherliride orunlashturulghan " muhebbetning on sherti" filimini körsitish hemde bashqa munasiwetlik pa'aliyetlerge qatnishidu.

Xewerde éytilishiche, mayingju hökümiti rabiye qadirning teywen'ge kélishini tosushni qarar qilghan bolup, chünki, mayingju bashchiliqidiki teywen hökümiti yéqindin buyan xitay chong quruqluqi bilen bolghan munasiwetlerni qoyuqlashturghan idi.

Teywen hökümiti dunya Uyghur qurultiyi we rabiye qadir xanim heqqide xitay bilen oxshash meydanni tutqan.

Amérika awazining xewer qilishiche, bu qétim rahile xanim bilen teywen'ge barmaqchi bolghan dunya Uyghur qurultiyining mu'awin re'isi ömer qanatningmu wiza iltimasi ret qilinishqa uchrighan. Teywendiki ammiwi teshkilatlarning pikri bilen hökümetning qarishi perqliq bolup, "muhebbetning on sherti"ni qoyushni telep qiliwatqan teshkilatlar rabiye qadir xanimning pa'aliyetlirini qollighan hemde" mayingju hökümiti xitay bashliqlirining teywen'ge kélishini qarshi alidu, emma rabiye qadirning teywenni ziyaret qilishini ret qiliwatidu. Bu junggo bilen bolghan munasiwetni eqilghe sighmaydighan halda hel qilish usuli" dep tenqid qilghan.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.