Rabiye xanim gollandiye sepirini axirlashturup, amérikigha qaytip keldi

Dunya Uyghur qurultiyi re'isi rabiye qadir xanim tünügün kech gollandiye sepirini axirlashturup, amérikigha qaytip keldi. Gollandiye sepiri rabiye xanimning bu yil kirgendin buyan yawropa elliride élip barghan 3 ‏- qétimliq ziyaritidur.
Muxbirimiz erkin
2010.04.02
Share on WhatsApp
Share on WhatsApp

Rabiye xanimning muxbirimizgha eskertishiche, u bu qétimqi sepiride gollandiye parlaménti we hökümitidiki siyasetchi hem emeldarlar bilen körüshüp, "5 ‏- iyul weqesi"din kéyin gollandiyige qéchip chiqqan Uyghur musapirigha panahliq bérish mesilisini merkezlik otturigha qoyghan.

Igilishimizge qarighanda, "5 ‏- iyul weqesi"din kéyin chet'elge qéchip chiqip, gollandiye hökümitidin panahliq telep qilghan Uyghurlarning sani 100 din ashqan bolup, lékin gollandiye hökümiti ularning panahliq iltimasigha hazirghiche ijabiy jawab bermigen.

Rabiye xanimning eskertishiche, gollandiye parlamént ezaliri Uyghur musapirlirigha choqum panahliq bérishke wede bermigen, lékin bu mesile üstide gollandiye hökümiti bilen sözliship, qolidin kélidighan tirishchanliqini körsitidighanliqini bildürgen.

Rabiye xanim bu qétim gollandiyige xelq'ara kechürüm teshkilatining teklipige bina'en améstirdamda ötküzülgen xelq'ara kishilik hoquq filim féstiwaligha qatnishish üchün barghan idi. U, bu jeryanda gollandiye höriyet uniwérsitéti qatarliq ikki aliy bilim yurtida nutuq sözligen.

Xitayning améstirdamdiki bash elchixanisi bu uniwérsitétlargha bésim ishlitip, yighinni bikar qilishni telep qilghan bolsimu, lékin yighinni uyushturghuchi türk oqughuchilar uyushmisining ching turushi astida xitayning telipi ret qilin'ghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.