Уйғур рәһбири рабийә қадир ханим палавдики уйғурларни зиярәт қилмақчи

Уйғур рәһбири рабийә қадир ханим келәр һәптә палавға берип, гүәнтанамодин қоюп берилгән 6 уйғурни зиярәт қилиду. Франсийә агентлиқиниң хәвәр қилишичә, рабийә қадир ханим палавға гүәнтанамо түрмисидин гунаһсизлиқи испатланғандин кейин қоюп берилгән 6 нәпәр уйғурға роһий җәһәттин мәдәт бериш, улардин һал сораш үчүн бариду.
Мухбиримиз ирадә
2009-11-06
Share

Мәлум болушичә, рабийә қадир ханим бу зиярити җәрянида йәнә, палав президенти җонсон торибийоң биләнму көрүшүп уйғурларниң келәчики һәққидә сөһбәт өткүзүши мумкин.

Палав һөкүмити өткән һәптиниң ахири гүәнтанамодин қоюп берилгән 6 нәпәр уйғурни қобул қилип, уларға вақтинчә панаһлиқ бәргән иди.

Палав президенти җонсон торибйоң түнүгүн мухбирларға қилған сөзидә, бу уйғурларниң келәчики үчүн уларни уйғур җамаити олтурақлашқан дөләткә орунлаштурушниң әң мувапиқ икәнликини баян қилған иди. У йәнә австралийиниң уйғурлар бир қәдәр көп олтурақлашқан бир дөләт болуш сүпити билән бу 6 уйғурға толиму бап келидиғанлиқини ейтип, австралийини уларни қобул қилишқа чақирған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт