Uyghur rehbiri rabiye qadir xanim palawdiki Uyghurlarni ziyaret qilmaqchi

Uyghur rehbiri rabiye qadir xanim kéler hepte palawgha bérip, güentanamodin qoyup bérilgen 6 Uyghurni ziyaret qilidu. Fransiye agéntliqining xewer qilishiche, rabiye qadir xanim palawgha güentanamo türmisidin gunahsizliqi ispatlan'ghandin kéyin qoyup bérilgen 6 neper Uyghurgha rohiy jehettin medet bérish, ulardin hal sorash üchün baridu.
Muxbirimiz irade
2009-11-06
Share

Melum bolushiche, rabiye qadir xanim bu ziyariti jeryanida yene, palaw prézidénti jonson toribiyong bilenmu körüshüp Uyghurlarning kélechiki heqqide söhbet ötküzüshi mumkin.

Palaw hökümiti ötken heptining axiri güentanamodin qoyup bérilgen 6 neper Uyghurni qobul qilip, ulargha waqtinche panahliq bergen idi.

Palaw prézidénti jonson toribyong tünügün muxbirlargha qilghan sözide, bu Uyghurlarning kélechiki üchün ularni Uyghur jama'iti olturaqlashqan döletke orunlashturushning eng muwapiq ikenlikini bayan qilghan idi. U yene awstraliyining Uyghurlar bir qeder köp olturaqlashqan bir dölet bolush süpiti bilen bu 6 Uyghurgha tolimu bap kélidighanliqini éytip, awstraliyini ularni qobul qilishqa chaqirghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet