Rabiye qadir xanim yaponiyide qizghin alqishlar bilen kütüwélindi

Béshigha yarishimliq chimen doppa kiyiwalghan rabiye xanim yaponiyide qollirigha sherqiy türkistan bayriqi kötürüwalghan bir guruppa Uyghurlar hem yaponluqlar shundaqla muxbirlarning qizghin qarshi élishigha érishken.

Bu rabiye qadir xanimning ikkinchi qétim yaponiyide ziyarette bolushi, bu qétim rabiye qadir xanim yaponiyide besh künlük pa'aliyet pilan qilghan bolup yaponiyidiki Uyghurlargha medet bérishni meqset qilghan pa'aliyetlerdin bashqa yene, Uyghur mesilisi heqqide mexsus muhakime yighinigha qatnishidu shundaqla yaponiye libéral démokratlar partiyisi rehberliri bilen söhbetlishidu.

Rabiye qadir xanimning bu ziyariti xitayni bi'aram qilghan bolup, tünügün xitay tashqi ishlar bayanatchisi ching gang, xitay hökümitining yaponiyining rabiye qadirgha yaponiyide ziyarette bolushqa yol qoyghanliqigha qattiq narazi ikenlikini bildürgen idi.

Xitayche nur gézitining xewirige qarighanda, 27 - iyul yaponiye tashqi ishlar bayanatchisi xitayning naraziliqigha inkas qayturup," rabiye xanimning yapon'gha qaratqan ziyariti yaponiye ‏ - xitay munasiwetlirige héchqandaq eks tesir ekelmesliki kérek" dégen.

Bezi xewer menbelirige qarighanda, yaponiye da'iriliri rabiye xanimning ziyaret jeryanida birer qest yaki xeterge uchrap qélishining aldini élish üchün rabiye xanimning ötkenki qétimliq ziyaritige oxshash bixeterlik tedbirliri alghan.

Rabiye xanim aldinqi qétim yaponiyige ziyaret üchün barghinida,xitayning rabiye qadir xanimni nishan qilip bir Uyghur ayal jasus orunlashturghanliqi, jasusning iqrari arqiliq dunyagha pash bolghan idi.

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar