Rabiye qadir xanim xitayning qeshqerde ' 7 térrorchi guruh ' ni pash qilghanliqigha da'ir bayanatini 'tutruqsiz' dep eyiblidi

Uyghur herikitining rehbiri, dunya Uyghur qurultiyi re'isi rabiye qadir xanim xitay da'irilirining yéqinda élan qilghan qeshqerde 7" térrorchi guruh"ni pash qilghanliqigha da'ir bayanatigha inkas qayturup, buninggha chongqur guman bilen qaraydighanliqini bildürdi.
Muxbirimiz erkin
2009.06.05

Xitay metbu'atlirining yéqinda tarqatqan bu heqtiki xewerliride qeshqer wilayetlik partkom sékritari jang jyenning bu yil kirgendin béri qeshqerde 7" térrorchi guruh "ni pash qilghanliqini élan qilghanliqini bildürgen idi.

Rabiye qadir xanim bu heqtiki bayanatida, tutqun'gha uchrighanlarni "térrorchi guruhlar" dégen xitay da'irilirining bu qarishini ispatlaydighan"qilchilik pakit otturigha qoymighanliqi" ni bildürgen. U mundaq deydu: "men xelq'ara jem'iyetni bu eyibleshke pütünley guman bilen qarashqa chaqirimen." " Bu qarilashlarni bu türlik usulda ottrurigha qoyushtiki sewebi Uyghurlarning tinch pa'aliyitini térrorluq bilen baghlash üchündur."

Jang jyen "térrorchilar" ni pash qilghanliqini élan qilghan waqit qeshqerde qedimiy sheher restilirini chéqip, yerlik Uyghurlarni tarqaqlashturush pilani memliket ichi we sirtida jiddi ghulghula qozghawatqan bir mezgilge toghra kelgen idi.

Buning aldida shinxu'a agéntliqi xitay da'irilirining Uyghur ilide yéqinqi 13 yilda 591 siyasi teshkilatni pash qilghanliqini élan qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.