Казафий радио нутқи елан қилип, “узун муддәтлик партизанлиқ уруши” елип баридиғанлиқини җакарлиди

Бу казафийниң түнүгүн бир күн ичидә мәзкур сүрийә телевизийә қанили арқилиқ 2‏-қетим үналғу нутқи елан қилиши.

Казафий пәйшәнбә күни елан қилған 1‏-қетимқлиқ нутқида ш а ә т ниң чоқум йимирилидиғанлиқини, униңға садиқ хаинларниң чоқум мәғлуп болидиғанлиқини илгири сүргән иди. У 2‏-қетимлиқ нутқида ливийә хәлқигә рәһбәрлик қилип, “узун муддәтлик партизанлиқ уруши” елип баридиғанлиқини билдүргән.

Лекин, казафийниң нутуқидин сәл бурун ливийә миллий кеңиши олтиматом елан қилип, казафийниң юрти серт қатарлиқ бәзи юртлардики казафийға садиқ күчләрниң шәнбә күнигичә тәслим болмиса, тамамән йоқитилидиғанлиқини елан қилған иди.

Казафий нутуқ елан қилған шу күни йәнә 60 дәк дөләт рәһбири вә ливийә миллий кеңишиниң вәкили парижға топлинип, ливийә мәсилисини музакирә қилған.

Франсийә президенти саркозиниң ашкарилишичә, йиғин әһли казафий тәһдитила болидикән, ш а ә т һава һуҗумини давамлаштуруши керәк дегән хуласиға кәлгән вә ливийиниң казафий дәвридә тоңлитип қоюлған чәтәл банкилиридики мал-мүлкини қайтуруп беришни тәләп қилған.