Rabiye qadir xanim 2011-yilliq rafto mukapati murasimigha qatnishish üchün norwégiyige yétip bardi

Uyghur milliy herikitining yol bashchisi rabiye qadir xanim, 2011-yilliq rafto mukapat murasimigha qatnishish üchün, tünügün washin'gtondin yolgha chiqip, bügün yeni düshenbe küni norwégiyige yétip bardi.
Muxbirimiz shöhret hoshur
2011-10-31
Share

Raftoning mukapat murasimi 11-ayning 6-küni ötküzülidu. Murasimning aldida yeni 3 ‏-noyabirdin 5-noyabirghiche, rafto mukapat komitétining uyushturushida muhakime yighinliri échilip, dunyaning nöwettiki insan heqliri mesililiri muzakire qilinidu.

Bu yilliq rafto mukapati ugandaliq insan heqliri pa'aliyetchisi, jinsiy az sanliqlar teshkilatining rehbiri frank mugishagha bérilgen.

Amérika Uyghur birleshmisining bildürüshiche, rabiye xanim bu qétimqi yighin jeryanida Uyghurlar nöwette duch kéliwatqan siyasiy, ijtima'iy mesililerni otturigha qoyidu؛ xitayning Uyghurlar üstidin yürgüzüwatqan basturush siyasetlirini pash qilidu.

Rabiye xanim xitay türmiside jaza mudditini ötewatqan mezgilde yeni 2004-yili rafto mukapatigha érishken. U shuningdin béri rafto mukapatining her yilliq mukapat murasimigha teklip bilen qatnashmaqta. Melum bolushiche, rabiye xanim norwégiyidiki yighindin kéyin, yene kishilik hoquq pa'aliyetliri üchün italiyige qarap yolgha chiqidu.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet