Хитай һөкүмити рамизан мәзгилидә уйғурларни чәкләшни күчәйтмәктә

Рамизан киргәндин буян, йәрлик хитай һөкүмити уйғур елидә уйғурларниң роза тутуш ишлирини чәкләшни вә башқа шәкилдики нормал диний паалийәтлиригә қаритилған чәкләшни күчәйткән болуп, ню - йорк вақит гезити вә австралийидә чиқидиған хәлқара учур мунбири (The International Herald Tribune ) қатарлиқ нопузлуқ мәтбуатларда бу һәқтики хәвәрләр елан қилинишқа башлиди.
Мухбиримиз җүмә хәвири
2008.09.08

 Ню - йорк вақит гезитидә 8 - сентәбир елан қилинған хитайниң уйғур елидә рамизанға қарита чәклимә қоюватқанлиқиға алақидар бир парчә мақалидә көрситилишичә, йәрлик һөкүмәт кадирлири өз даирисидики мәсчитләрни рамизан мәзгилидә һәптидә икки вақ тәкшүридикән.

Алдинқи һәптә радиомиз бу һәқтә бир тәпсилий мәлумат елан қилған болуп, биз игилигән хәвәрләргә қариғанда, һазир уйғур елидә рамизан мәзгилидә, мусулман һөкүмәт кадирлири вә оқутқучи - оқуғучиларниң роза тутуши бирдәк чәкләнгәндин сирт, бәзи җайларда мусулман ашханилириниңму рамизан вақтида тақап қоюш чәкләнгән.

Ню - йорк ват гезитидә елан қилинған мақалидә көрситилишичә, уйғур елидә рамизан мәзгилдә йолға қоюлған бу хил чәкләш васитилириниң рамизандин кейин азрақ бошитилиши вә яки давамлиқ йолға қоюлидиғанлиқи техичә намәлум.
 
Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.