Bu nöwetlik ramzanning bir qisim ereb döletlirini ensiritiwatqanliqi ilgiri sürülmekte

Bu nöwetlik ramzan ereb dunyasini niza qaplighan mezgilge toghra kelgen bolghachqa, buning bir qisim ereb döletlirini ensiritiwatqanliqi ilgiri sürülmekte.
Muxbirimiz jüme
2011-07-30
Share

Melum bolushiche, nöwette namayish we qan tökülüshler her küni dégüdek bolup turuwatqan süriye hökümiti ramzan mezgildiki terawih namizidin bekla ensirimekte iken.

"Süriye inqilabi 2011sh" namliq pa'aliyetchilerning fachebo'ok guruppisi ramzanda her küni kechte oqulidighan terawih namizi arqiliq namayish qilishqa chaqiriq qilghan.

Bu xildiki ensiresh misir, se'udi erebistan, yemen, we ereb birleshme xelipiliki qatarliq döletlerdimu otturigha chiqqan.

Ereb birleshme xelipisi prézidénti sheyx xelipe bin zeyen el nahayan ramzan mezgilide hökümet gürüch bahasining yérimini kötüridighanliqini bildürgen.

Firansiye agéntliqida neqil qilishiche, qatardiki "Islamtorida" namliq tor békitining diréktori abdulla el emedi yillaridin béri ramzanning inqilab we ghelbe-nusret köp körün'gen aylardin bolup kelgenlikini bildürgen.

U mundaq dégen: menche bu ramzan "Ereb bahari" yashlirini ular adaletsizlik we mustebitlikke qarshi bashlighan inqilabni tamamlashqa righbetlendüridu.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet