Роза отунбайевани мәркизий асиядики тунҗи өз ихтияри бойичә һоқуқтин айрилған президент дәп тәрипләнди

Оттура асия мәтбуатлири, җүмлидин азадлиқ радиоси техи буниңдин бир қанчә күн илгири һакимийәттин айрилған қирғизистан президенти роза отунбайевани мәркизий асия тарихидики тунҗи қетим өзиниң әң алий һоқуқини өз ихтияри билән, қануний маддилар асасида тинчлиқ билән өткүзүп бәргән президенти дәп тәрипләшти. 1 - Декабир күни бишкәктә өткүзүлгән қәсәм бериш мурасимида йеңидин сайланған алмасбек атанбайеф рәсмий қәсәм берип, қирғизистан җумһурийитиниң президенитилиқ вәзиписини тапшурувалған, сабиқ президент роза отунбайева болса шу күнидин етибарән өз вәзиписидин айрилған иди.
Мухбиримиз үмидвар
2011-12-04
Share


Қирғизистан мустәқил болғандин кейинки 20 йил ичидә икки қетим исян йүзберип, һоқуқ тапшурушни халимиған президентлар қечип кетишкә мәҗбур болған, әнә шундақ вәқәләрдә һакимийәтни игилигән отунбайева бу қетим тинчлиқ билән вәзиписидин айрилған иди.

Илгири түркмәнистан президенти пәқәт өлүп кәткәндин кейинла һакимийәт башқиларға қалған иди. Өктичиләр болса, ислам кәримоф билән нурсултан назарбайефни вәзиписидә чиң туруш билән тәнқидлимәктә. Әзәрбәйҗанда болса, президент һәйдәр әлийеф өлгәндин кейин, һоқуқ униң оғли илһам әлийефқа қалған иди.

Роза отунбайева мәркизий асиядики тунҗи аял президент болуп һесаблиниду.
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.