Roza otunbayéwani merkiziy asiyadiki tunji öz ixtiyari boyiche hoquqtin ayrilghan prézidént dep teriplendi

Ottura asiya metbu'atliri, jümlidin azadliq radi'osi téxi buningdin bir qanche kün ilgiri hakimiyettin ayrilghan qirghizistan prézidénti roza otunbayéwani merkiziy asiya tarixidiki tunji qétim özining eng aliy hoquqini öz ixtiyari bilen, qanuniy maddilar asasida tinchliq bilen ötküzüp bergen prézidénti dep teripleshti. 1 - Dékabir küni bishkekte ötküzülgen qesem bérish murasimida yéngidin saylan'ghan almasbék atanbayéf resmiy qesem bérip, qirghizistan jumhuriyitining prézidénitiliq wezipisini tapshuruwalghan, sabiq prézidént roza otunbayéwa bolsa shu künidin étibaren öz wezipisidin ayrilghan idi.
Muxbirimiz ümidwar
2011-12-04
Élxet
Pikir
Share
Print


Qirghizistan musteqil bolghandin kéyinki 20 yil ichide ikki qétim isyan yüzbérip, hoquq tapshurushni xalimighan prézidéntlar qéchip kétishke mejbur bolghan, ene shundaq weqelerde hakimiyetni igiligen otunbayéwa bu qétim tinchliq bilen wezipisidin ayrilghan idi.

Ilgiri türkmenistan prézidénti peqet ölüp ketkendin kéyinla hakimiyet bashqilargha qalghan idi. Öktichiler bolsa, islam kerimof bilen nursultan nazarbayéfni wezipiside ching turush bilen tenqidlimekte. Ezerbeyjanda bolsa, prézidént heyder eliyéf ölgendin kéyin, hoquq uning oghli ilham eliyéfqa qalghan idi.

Roza otunbayéwa merkiziy asiyadiki tunji ayal prézidént bolup hésablinidu.
Toluq bet