Qeshqer mekit nahiyiside ropash ayallarning yüzi mejburi échiwétish naraziliq qozghidi

Qeshqerde ramzan harpisida yüz bergen xitay saqchi we puqralirigha hujum qilish weqesidin kéyin, qeshqer wilayiti teweside weziyet jiddiyliship, ramzan mezgilide Uyghurlargha qaritilghan bésim we cheklimiler yenimu kücheytildi.
Muxbirimiz méhriban
2011.08.11

Dunya Uyghur qurultiyi bayanatchisi dilshat rishitning bildürüshiche, 3-awghust qeshqer mekit nahiyisi buliqawus mehellisidiki ayallar komitéti “Diniy yosunda kiyinishni cheklesh, idiyini azad qilish” dégen namda40 tek ropash ayalni mejburi yighiwélip, ayallarning romallirini mejburi alduruwetken.

“Chay ziyapiti” bahaniside bu ayallarni kempüt qatarliq tatliq turumlarni yéyishke zorlap, ularni rozisini buzushqa mejburlighan. Radi'omiz igiligen uchurlardin melum bolushiche, mekitte yüz bergen ayallarning yüzini mejburi achquzuwétish hem roza tutmasliqqa mejburlash qilmishi nöwette Uyghurlarning naraziliqni kücheytken.

Qeshqer wilayitidiki herqaysi nahiyilerde bu yil ramzan kirishtin ilgirila, ramzan mezgilidiki diniy nazaretni kücheytish, muqimliqqa kapaletlik qilish seperwerlik yighinliri échilghan.

Qeshqer yopurgha nahiyilik xelq hökümiti 30-iyul chiqarghan bir höjjitide yopurgha nahiyiside 27-iyul ramzan mezgilidiki diniy nazaretni kücheytish, muqimliqni saqlash seperwerlik yighini échilghanliqi, yighin rohigha asasen herqaysi yéza mehellilerge ramzan mezgilidiki nazaret hem cheklimilerni kücheytish telep qilin'ghanliqi uqturulghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.