Русийә һава бошлуқидин авғанситандики америка қисимлириниң өтүшигә рухсәт қилди

Америка обама һөкүмити юқурий дәриҗилик әмәлдарлириниң б б с ға баян қилишичә, президнт обама 7‏ - айниң 6 ‏ - күнидин 8‏ - күнигичә, москвани зиярәт қилмақчи иди. Бүгүн русийә өзиниң һава бошлуқидин авғанситандики америка қисимлириниң өтүшигә рухсәт қилғанлиқини җакарлиди.
Мухбиримиз вәли
2009-07-04
Share

Хәвәрдә ейтилишичә, америка қисимлири әмди авғанистанда елип баридиған һәрбий һәрикәтлири үчүн русийиниң төмүр йоллиридинму пайдилиналайдикән. Америка қисимлири үчүн йеңидин ечилған бу бир каридор һәққидики орунлаштуруш келәр һәптидә башлинидикән.

Шинхуа агентлиқиму бүгүн москвадин америка - русийә мунасивәтлиридики сәзгүр учурларни хәвәр қилип, русийә президенти медивитефниң америкиниң мустәқиллиқ байримини тәбриклигәнликини, обама йеқинда москвани зиярәт қилғанда, русийә - америка оттурисида атом қораллириниң тарқилип кәтмәслики һәққидә йеңи келишим түзүлши вә терроризимға қарши туруш, район харәктирлиқ тоқунушларни биртәрәп қилиш җәһәтләрдики һәмкарлиқниң тәрәққи қилдурулиши пүтүн дуняниң әң юқурий мәнпәәти үчүн пайдилиқ, дәп җакарлиғанлиқини баян қилған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт