Русийә - америка рәһбәрлири истратегийилик қораллар мәсилисидә сөһбәтләшти

Сиңапорда ечилған асия - тинч окян иқтисадий һәмкарлиқ тәшкилати рәһбәрлириниң ғәйри рәсмий йиғини йәкшәнбә күни йепилди һәмдә бирләшмә баянат елан қилинди.
Мухбиримиз үмидвар
2009-11-15
Share

Бу йиғинда тәшкилатниң қурулма ислаһати елип бериш, иқтисадий тәрәққият пурсити яритиш вә һава килиматиниң өзгириш мәсилисигә көңүл бөлүш қатарлиқ мәсилиләрдә ортақлиқлар һасил болған.

"Апәк" ниң йиғини ахирлашқандин кейин, америка президенти барак обама русийә президенти диметрий медведев билән айрим көрүшүп, икки дөләтниң арисидики муһим мәсилиләр һәққидә сөһбәт елип барғандин кейин, бу йилниң ахирида америка билән русийә арисидики "истратегийилик қоралларни қисқартиш келишими" ниң орнини алидиған йеңи бир келишимгә қол қоюш һәққидә музакирилишип, пикир бирлики һасил қилинған.

Русийиниң "нәвсру" ториниң хәвәр қилишичә, обама билән медведев өзлириниң елип барған сөһбити вә хизмәтлиригә юқири баһа бәргән болуп, бу қетимқи учришиш юқири қизғинлиқ ичидә өткән.

Москва билән вашингтон арисидики "истратегийилик қоралларни қисқартиш келишими"ниң вақти бу йил 5 - декабирда тошуду. Мәзкур келишимни бикар қилиш вә яки шу хилда йеңи келишим түзүш икки дөләт арисидики муһим мәсилигә айланған иди.

Бу һәқтә обаманиң 7 - айдики москва зиярити җәрянидиму музакириләр болған иди. Буниңдин илгири обама америкиниң шәрқий явропада қурмақчи болған башқурулидиған бомбидин мудапиә көрүш системиси пиланини әмәлдин қалдурғанлиқи вә русийә билән һәмкарлишишқа тәйяр икәнликини елан қилғандин кейин, русийиниң мәзкур мәсилидики қаттиқ наразилиқи пәсәйгәндәк болған иди.

Иран ядро мәсилисидиму америка билән русийә иранниң уранлирини русийидә тавлап беришкә рази болған. Бирақ иран һазирғичә бу қәдәмни басмиған иди. Обама билән медведев бу мәсилидиму сөһбәтләшкән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт