Rusiye chéchiniye urushining ayaqlashqanliqini jakarlidi

Rusiye da'iriliri chéchiniyining tinchlan'ghanliqi, shunga yillardin buyan chéchiniyide élip bériwatqan herbiy tirkishishining ayaqlashqanliqini jakarlidi.
Muxbirimiz jüme
2009-04-16
Share

Moskwa da'iriliri chéchiniyining rusiye peres chéchen prézidénti ramizan qadirof dewride tinchlan'ghanliqini ilgiri sürmekte.

Rusiye intérfakis agéntliqida neqil élip körsitishiche, ramizan qadirof, rusiye da'irilirining bu heqtiki uqturushni tapshurup alghanliqi, chéchiniyide térrorchilar uwilirining bitchit qilin'ghanliqi, barliq qanunsiz qoralliq guruppilarning qoralsizlandurulup adettiki kishiler topigha qayturulghanliqini ilgiri sürgen.

Qadirof yene, chéchiniyining tinch we tereqqiy qiliwatqan térritoriyige aylan'ghanliqini qoshumche qilghan bolsimu, emma kishilik hoquq teshkilatliri qadirofqa qarshi pikirdikilerning qiynash, yoshurun öltürüsh tehditlirige da'im uchrap turidighanliqini bildürülmekte.

Chéchiniye 1991 - yili musteqilliq jakarlighan bolup, emma 1994 - yili rusiye chéchiniyige bésip kirgen we shundin kiyin chéchiniyide ikki terep arisida herbiy toqunushlar bésiqmighan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet