Русийә шималий араллардики һәрбий мудапиәсини күчәйтмәкчи

Йеқинда японийә ташқи ишлар министири москвани зиярәт қилип, русийә ташқи ишлар министири сергей лавроф билән икки дөләт һәмкарлиқлири җүмлидин русийә билән японийә арисидики төт аралниң игилик һоқуқ мәсилилири бойичә төт саәт сөһбәт өткүзгән иди.
Мухбиримиз үмидвар
2011-02-13
Share

Русийә хәвәрләр агентлиқиниң йезишичә, русийә вә японийә ташқи ишлар министирлири арисидики сөһбәтниң асаслиқ темиси шималдики араллар мәсилисидин ибарәттур.

Бирақ, бу арида русийә шималдики төт арални ечишқа хитай қатарлиқ әлләрни мәбләғ селишқа чақирған. Бу әһвал японийиниң қәтий қарши турушиға учриған.

Америка авазиниң йезишичә, төт арални қайтурувелиш үчүн изчил һалда һәрикәт қиливатқан японийә һөкүмити русийиниң бу аралларни ечишқа хитайниму дәвәт қилишиға қарши чиққан шуниңдәк йәнә русийиниң аралдики һәрбий күчини ашурушиғиму нарази болған.

Русийә һәрбий тәрәпниң ашкарилишичә, русийә төт арал әтрапидики һәрбий күчини ашурушқа киришкән болуп, франсийидин сетивалған икки данә тик учар айропилан учуп -чүшәләйдиған авиаматкини бу әтраптики деңизға орунлаштурған.

Русийә йәнә аралларда чоң тошуш айропиланлири қоналайдиған айродром қурушқа киришкәндин сирт йәнә мәзкур аралларда техиму көп тик учарларниң учуши вә қонушиға қулайлиқ айродром ясаш һәмдә вә илғар башқурулидиған бомба мудапиә системиси орнитишни пиланлиған.

Русийә анализчилири бу хил орунлаштурушниң тиғ учиниң японийигә әмәс, әмәлийәттә хитайға қаритилғанлиқи, японийә билән русийә арисида хитайниң шималий асия районидики тәсиригә бирликтә тақабил туруш җәһәттә һәмкарлиқ шәкилләнгәнликини йезишмақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт