Rusiye shimaliy arallardiki herbiy mudapi'esini kücheytmekchi

Yéqinda yaponiye tashqi ishlar ministiri moskwani ziyaret qilip, rusiye tashqi ishlar ministiri sérgéy lawrof bilen ikki dölet hemkarliqliri jümlidin rusiye bilen yaponiye arisidiki töt aralning igilik hoquq mesililiri boyiche töt sa'et söhbet ötküzgen idi.
Muxbirimiz ümidwar
2011-02-13
Share

Rusiye xewerler agéntliqining yézishiche, rusiye we yaponiye tashqi ishlar ministirliri arisidiki söhbetning asasliq témisi shimaldiki arallar mesilisidin ibarettur.

Biraq, bu arida rusiye shimaldiki töt aralni échishqa xitay qatarliq ellerni meblegh sélishqa chaqirghan. Bu ehwal yaponiyining qet'iy qarshi turushigha uchrighan.

Amérika awazining yézishiche, töt aralni qayturuwélish üchün izchil halda heriket qiliwatqan yaponiye hökümiti rusiyining bu arallarni échishqa xitaynimu dewet qilishigha qarshi chiqqan shuningdek yene rusiyining araldiki herbiy küchini ashurushighimu narazi bolghan.

Rusiye herbiy terepning ashkarilishiche, rusiye töt aral etrapidiki herbiy küchini ashurushqa kirishken bolup, fransiyidin sétiwalghan ikki dane tik uchar ayropilan uchup -chüsheleydighan awi'amatkini bu etraptiki déngizgha orunlashturghan.

Rusiye yene arallarda chong toshush ayropilanliri qonalaydighan ayrodrom qurushqa kirishkendin sirt yene mezkur arallarda téximu köp tik ucharlarning uchushi we qonushigha qulayliq ayrodrom yasash hemde we ilghar bashqurulidighan bomba mudapi'e sistémisi ornitishni pilanlighan.

Rusiye analizchiliri bu xil orunlashturushning tigh uchining yaponiyige emes, emeliyette xitaygha qaritilghanliqi, yaponiye bilen rusiye arisida xitayning shimaliy asiya rayonidiki tesirige birlikte taqabil turush jehette hemkarliq shekillen'genlikini yézishmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet