Süriye qisimliri bügün xama shehiride 95 ademni oqqa tutup öltürdi

Roytrs agéntliqining bayan qilishiche, süriye prézidénti asad ning qisimliri bügün, xama shehirige tanka bilen basturup kirip, xelqni pilimot bilen oqqa tutti.
Muxbirimiz weli
2011-07-31
Share

Süriyidiki kishilik hoquq teshkilatining bashliqi ammar qorabining firansiye agéntliqigha bayan qilishiche, süriye qisimliri bügün xama shehirige hujum qilghanda, xelqni oqqa tutti, 95 ademni öltürdi. Xelq topliship asad qisimlirigha qarshiliq körsetti. Bügünki toqunushta ikki tereptin ölgen adem sani 120 din ashidu. Yarilan'ghan adem sani köp, hazir tizimliniwatidu.

Xewer arxiplirigha qarighanda, süriyidiki qirghinchiliq 1982 ‏- yili bashlan'ghan. Eyni waqitta qozghilang kötürgen xelqni, hazirqi prézidéntning dadisi hapiz el asad oqqa tutup, 700 ming nopusi bar bir sheherde, bir kündila 30 ming ademni qirip tashlighan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet