Rusiye bilen tajikistan birleshme herbiy manéwir ötküzmekchi

Rusiye bilen tajikistan bu ay ichide térrorluq we bölgünchilikke qarshi birleshme herbiy manéwir ötküzidighan bolup, fransiye agéntliqida körsitilishiche, tajikistan dölet mudapi'e ministirliqi mezkur birleshme manéwirning tajikistanda élip bérilidighanliqini bildürgen.
Muxbirimiz jüme
2009-04-02
Share

Xewerde körsitilishiche tajikistan mudapi'e ministirliqi bayanatchisi férdun mehmed'eliyéw bu nöwetlik namayishning bu yil 17 - apréldin 19 - aprélghiche tajikistanda élip bérilidighanliqini we manéwirning mezkur döletlerning " xelq'araliq térrorluq, siyasiy esebiylik we bölgünchilikke qarshi turush" teyyarliqini ilgiri sürüsh üchün uyushturulghanliqini bildürgen.

Melum bolushiche, mezkur birleshme herbiy manéwir shangxey hemkarliq teshkilati ramkisida élip bérilidighan bolup, manéwirgha qazaqistan we qirghizistan herbiy da'irilirimu bir qisim xadimlirini ewetidiken.

Xitay we rusiyiler üstünlükini igileydighan shangxey hemkarliq teshkilati, 2001 - yili 15 - iyun resmiy qurulghan bolup, shuningdin kéyin mezkur teshkilatqa eza bashqa ottura asiya elliri, bu ellerdiki Uyghur siyasi pa'aliyetlirini chekleshke we Uyghur siyasiy pa'aliyetchilirining heriket boshluqini taraytishqa bashlighan idi.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet