Русийә 14 нәпәр 'тақирбаш'ни 20 йилғичә болған түрмә җазасиға һөкүм қилди

1 - Өктәбир күни русийиниң тиюмен областлиқ сот мәһкимиси александир ярославсев, александир ходирийев қатарлиқ 20 - 24 яшлар әтрапидики 14 нәпәр "тақирбаш"лар гуруһиниң ғоллуқ әзалири вә башлиқлирини төвини 4 йилидин юқириси 20 йилғичә болған муддәт билән қамақ җазасиға һөкүм қилди.
Мухбиримиз үмидвар
2010.10.03
Share on WhatsApp
Share on WhatsApp

Уларға миллий өчмәнлик пәйда қилиш, миллий өчмәнлик йоли билән башқиларниң һаяти вә саламәтликигә зәрәр йәткүзүш дегәндәк җинайәтләр артилған.
 
Юқирида исми аталған икки тақирбаш фашист 2007 - йили тақирбаш - милләтчиләр гурупписи қуруп, ашкара һалда рус әмәс милләтләргә өчмәнлик қилған. Бу гуруппа рус әмәс милләт кишилирини уруш вә зәрбә бериш нишани қилип, илгири - кейин өзбек, таҗик, әрмән қатарлиқ милләт пуқралириға көп қетим һуҗум қилған. 14 Адәм уларниң қаттиқ зәрбисигә учриған болуп, алтә адәм еғир яриланған, икки адәм өлгән.

Бу, "тақирбашлар" дәп аталған рус фашист яшлири гуруһиниң узундин буян тунҗи қетим кәң көләмдә җазаға тартилиши болуп, тақирбашлар русийиниң һәммә шәһәрлиригә тарқалған. Москва, санктпетербург қатарлиқ шәһәрләр уларниң асаслиқ базисидур.

Русийидики инсан һәқлири тәшкилатлири тақирбашларниң саниниң пүтүн русийидә 50 - 60 миң әтрапида икәнлики, уларниң қолида өлгәнләрниң саниниңму ешиватқанлиқини оттуриға қоймақта.

Тақирбашлар "русийидә пәқәт русларла яшаш керәк" дәйдиған идийигә мәнсуп болуп, москва вә йирақ шәрқ қатарлиқ җайлардики тақирбашларниң һуҗум нишанлири қатариға хитай пуқралириму киргән.

 
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.